سواليف الحريم اذا جو من العرس

حريم راجعين من عرس ومعهم اخوهم يسولفون :

اخوهم : اركبوا السياره وكل وحده تنتبه لا تصك باب السياره على عبايتها

وبمجرد ما انقفل باب السياره بدأ الأستديو التحليلي اسمعوا ما قاله وما يقوله النساء بعد كل زواج

الأولى : ايش فيك تأخرتي؟

الثانيه : ساعه قاعده ادور على عباتي انتي ما شفتي الحريم يتضاربون عند العبايات العبايات تلخبطت

الثالثه : يا ليتنا ما رحنا زواجهم

اخوهم : ليش؟

الثالثه : زحمه والبزران يتضاربون بقشر البرتقال ويلعبون بالمويه

الأولى : ما شفتي ذيك اللي كبت القهوه على الحرمه اللي كانت نايمه؟

الثالثه : لا والله ما شفتها انا ما شفت ولا شي في الزواج طول الوقت قاعده ادور على جزمة بنتي مها

الثانيه : ايش رايكم في الفستان اللي لابسته هدى؟

الأولى : مو حلو محنقط عليها والسحاب باين

الأولى: انا اعجبني مكياج أمل تقول ان زوجة خالها جابته لها هدية من باريس

الثالثه : هههههه من باريس تضحك عليك يا هبلا تلقينه من محلات ابو عشره

وقفه

***************

الغريب والعجيب انهم واثناء حديثهم في السياره يقولون لبعضهم خلاص يا بنات

بس ترى ما يجوز نتكلم على الناس

تكمله

الثانيه : صح والله كلامك يا اختي ما يجوزنتكلم عليهم بس شفتي الحرمه اللي كانت قاعده جنبي على العشاء وتقطع لي لحم؟

الأولى : ايوه شفتها هههههههه متوصيه فيك شكلها بتخطبك لولدها

الثانيه : وجع في شكلها هي وولدها قاعده تقطع لي من اللحم الكبار اللي ما ينوكل

وهي طايحه في اللحم الزين

العشاء

اخوهم: ايش رايكم في العشاء

الثالثه : دسم وكله شحم

الأولى : بارد

الثانيه :اللحم كبار

الثانيه : وفيه حريم ما تعشوا قاعدين على الكراسي اللي في الكوشه شايفين نفسهم

الأولى : حتى ام العروسه ما تعشت مسكينه طول الوقت قاعده تبكي

الثالثه : هههههههههه تبكي من الفرحه يا هبلا ما شفتي صدرها منتفخ من الفلوس

بس خلاص ما يجوز

صح والله ما يجوز بس شفتي وشفتي وشفتي

واخيرا وصلنا المنزل

اخوهم: شوفو لي حبتين باندول اكسترا

************************* *************************


اقتراحات لمن يريد ان يتزوج :

1- اصرف حبه باندول لكل رجل بعد العشاء

2- لا تقدم للنساء رز ولحم ومفطحات

3- قدم للنساء علب صغيره على شكل وجبات في كل علبه واحد كت كات وعصير وحبتين ورق عنب ولبانه للتهظيم وراح يدعون لك

4- تدفع كل أمرأه مبلغ عشره ريال كتأمين عن التخريب والتكسير الذي يقوم به اولادها تكتب هذه الجمله على كرت الدعوه

5-واخيرا يوضع اسم المرأه اللتي لا تلتزم بنظام القاعه في اللآئحه السوداء للقاعه
---------------------------------------------------------------------
مع تحياتي لكم

شكرا على هذا الموضوع الجمييييييل ..

والله من جدددد هذه سوالللللليف الحرييييييم اذا جو من عرس ..

- فلانه وش لابسه ( احمر ..لا هذاك الفضي اللي مكسر ومدري وشلون خخخخخ)
- ام فلان رقصت ..لا زعلانه لانها ماعطتها كسوه ( هديه بمناسبه العرس )
- بنات فلان جووو ..لا يقولون عروسهم عرووووس قراااوه ..خخخخخخخ
- شفتي تقديمهم ..يااربي لك الحمد والشكر حتى العصيرات ماوزعوا ...بس يوزعون اللي على المنصه ..ههههههههههه
- شفتي طقاقاتهم ..طقهم شيييييييين مرررة اغلب الاغاني ماتعرفها ..والا صوتها يجيب البلى ..لو تسكت احسن لها ..

- وووووووووووووووووووووووووووووووووووووووو الخ ..الين يجي عرس ثاني ..ويبدا الكلام فيه ..ويخلون الاول ..


تقبلوا مروري .

ايه ومع الصيف تكثر الزواجات ويكثر الحش>الانتقادات<والمقارنات
بس اسووويها احيانا اذا كنت رايحه غصبن عني