يومياات رحله العائله إلى الشرقيه..

بسم الله الرحمن الرحيم

كيفكم بنوتاتي الحلوااااااات أخباركم ..اليوم جايبه لكم يوميات رحلتي مع عائلتي
للشرقيه اتمنى تستمتعون بهذه الرحله ..اترككم مع تفاصيل هذه الرحله ...

بسم الله الرحمن الرحيم

• كانت هذي الرحله في تاريخ 13-8-1429واستمرت 4 أيام
• عناصر الرحله / عائلتنا المصونه وعائلة اخي الاوسط
• المناطق التي تمت زيارتها:الدمام _الخبر _الظهران
• مكان الاقامه بالخبرشقق فندقيه اسمها / جوهرة الاندلس سابقا /وبقدرة قادر تغيرالاسم
إلى زهره التوباز (مدري وش ذا التغيير الغبي خخخخ)
• وسيلة النقل / الجمس الله يستر عليه




- أول ما وصلنا للشرقية رحنا للخبر على طوول عشاان ندور شقه للاقامه وقعدنا
نفرفر بشوارع الخبر الين الحمد لله لقينا ذا الشقة سبق ذكرها فوق ..
- وصلنا للشقه ونزلنا العفش طبعا كل واحد اخذ غرض عشان التعااااون
(متأثره بكتاب القراة خخخخخ)وكانت الشقه في الدور الثاني ومافيه مصعد يعني مشوااااااااااااار (زووووله)..
المهم نزلنا كل الاغراض وقمنا نغسل ونتوظأ وصلينا جمعا (المغرب والعشاء )
لاننا وصلنا تقريبا الساعه 9 ونص بالليل ...وبعد ماخلصنا صلاه ..
قعدنا نتجهز عشان نبي نطلع نتعشى ..
- المهم طلعنا تقريبا الساعه 10 واخذنا معنا الشاي والقهوة وترمس ماء طبعاً..
وقعدنا نمشي ندور مطاعم كان هذا يوم الخميس اللي هو اول يوم ..
تخيلوا على كبر الخبر مطاعمهم زحححححححمه ..كل ما وقفنا عند مطعم لقيناه زحممه
الناس طالعين برا بأرقام (حشى مستوصف خخخخخ ) ..المهم وقفنا عند مطعم والله ناسيه
اسمه قالوا العائلات فوق ..قالت ماما لا والله ماني رايحه فوق
رجولي تعورني ..
رحنا لمطعم ثاني نفس الحاااااااله ..المهم قالوا اخو وش رايكم ناخذ عشاء ونطلع
على الكورنيش ونتعشى اريح ..
ورحنا لمطعم كودوا خذنا سانوديش واشياء خفيفه
ومشروبات غازيه ..
وطلعنا على كورنيش الدمام الجديد ..وقعدنا الى الساعه 2 ونص بالليل
وجانا النوووم ورجعنا للشقه ...

- وهذي صوره للكورنيش ..





- وهذي صوره للمشروباات الغازيه حقت العشااااااااااء وبساطنا المفضل للرحلات ..




- وفي اليوم الثاني ..صحينا تقريبا الساعه 12 الظهر وسويت الغداء وتغدينا
وقعدنا نجهز اغراض الكشته وصلنا العصر ..وبعدها طلعنا الساعه 4 العصر
متوجهين الى شاطئ الهاف مون ..طبعاً كان الشاطئ زحممممه ويالله يالله بالمووووووت
لقينا جلسه على الشاطئ اللي نحط فيها اغراضنا ..وهذه الجلسه مالقيناه الا من عائله
مخلصين من رحلتهم طلعوا سيارتهم ..وقالوا لاخوي تبغى هذه الجلسه ترا حنا طالعين ..
قال اخوي ايوالله قاعدين من زماان ندور ومالقينا ..والحمد لله نزلنا اغراضنا
واخذنا بساطنا المفضل .وقربنا للبحر ..وتقهوينا وحلينا ..
والبزران قامو يسبحووون ويحفرون بألعابهم ..
- وهذي صور للألعاب اللي لعبو فيها عيال خواني ..



-وبعد صلاه العشاء تقريبا على الساعه 10 قعدنا نشوي دجاج الين تقريبا جهزنا السفره ..وجلسنا نتعشى تقريبا على السااعه 11 ..
وكاان الجو مرره يجننن مافيه رطوبه وبراااااااد ..

-وبعد العشاء رجعنا لمكاننا اللي قرييبب من البحر..وبدأ الشاطئ يفضى من الناااااااااس ..
واستاجرنا دبااب ..وركبن خوااتي انا ماركبت خوااافه تقريبا استاجرووه ساعه ..
وبعدها دخلت انا وخوااتي للبحر وقعدنا نسبح شبه سباااحه خخخخ(الله عااد يا السباااحه هههههه)..
المهم قعدنا يمكن نص ساعه تقريبا وحنا نلعب بالبحرر ..ماطلعنا الين مشينااا للبيت ...
ورجعنا البيت على السااااعه 3 الفجر..

-وهذي صوره لشاطئ الهاف مون ..شوفوا القمر كيف سااطع على
البحرر هذا اليوم
ليله خسوف القمر ..سبحاااان الله..



-وفي اليوم الثالث صحينا على الساعه 2 الظهر وتغدينا وبعد صلاه العصر
جهزنا اغراض الطلعه اللي هي قهوه وشاي ومشينا متجهين الى شاطئ العزيزيه ..
وحنا في الطريق اشتهينا حلى ..قعدنا نفرفر عشاان ندور محل حلوياات مانعرف المحلااات ..
المهم دخلنا محل حلويات مدري وش اسمه
ندور عندهم كنااافه ، بقلاوه ، سمبوسه صغيره مالقينا ولا شي..قال اخوي مانطلع من المحل
لين نشتري أي شي تخيلواا وش شرينا ؟؟؟

شرينااااا بتيفوررر (قديمممممممم) ..

-وهذي صوره لصحن البتيفور اللي شريناااااه ...



-وقعدنا فيه إلى بعد المغرب ورجعنا للشقه .وجلسنا الى ان صلينا العشاء ..
وطلعنا نبي نتعشى بمطعم ..لقينا مطعم شكلللللله خطيرررررر بس قهر مافيه
عواائل اسمه (الصاج اللبناني )..ورحنا تعشينا في مطعم الطاازج ..
وبعدها طلعنا لككورنيش الدمام الجديد ..(سبق ورحنا له في اول يوم ) ..بس الله
لايوريكم كااان الجو في قمه الرطوبه والشااطئ فااضي الناس يصلون صلاه الخسووف ..
وقرفنا ماقدرنا نقعد من الحررر ..ورجعنا للشقه .وكملنا سهرتنا ..وسوينا فطورر
وافطرنا وصلينا الفجر ..وسهرنااا الى الساعه 6 ونمنا ..

-وفي اخر يوم طلعنا على الساعه 4 العصر ومعنا العفش ..وسلمنا لراعي الشقه المفتااح ..
ومشينا متجهين الى الظهران ..ورحنا للسوق اسمه (مجمع الظهران)وشرينا بعض الاغراض منه ..

-وهذي صور لبعض الاغرااض ..


---هذا طقم ميموووو



---هذي لنونوووو ..



--وهذي بلايز لخوااتي ..بصوره جماااعيه




وهنا كل بلوزه لوحدها بصوره اووضححح..







-وطلعنا من السووق على المغرب كذا ..ورحنا نتعشى على كورنيش الدمام ..
وجلسناا إلى الساعه 11 ..

-وبعدهاااا غادرنا الشرقيه ..متجهين إلى بيتناااا الحبيب الى الريااض الحبيبه ..
ووصلنا على الساعه 3 الفجر ..والحمد لله على السلامه..





كلمه أخيره

• كانت الرحله ممتعه وغير مكلفه
• الجو ولله الحمد كان ممتع ماعدا نص يوم كانت الرطوبة زايده شوي
• ختام الرحله يوم الاحد الساعه الواحده بعد منتصف الليل حيث الوصول بالسلامة للرياض

ان شاء الله تكونون استمتعتواا بهذه الرحله الجميله ...
إخرااااااج مديره المنتدى ( القــــــلــــ ب الحــــــنــــون)


انتظرررر الردووود..

صباح الورد لوردات المنتدى


تعليقي ع الرحله:

اول شي الله يخليكم لبعض وتفلوونها دووم

الجمس سيارتي المفضله تحسينه رااعي فزعه

شقق الشرقيه دووم زحمه وزين لقيتوا مكان للاقامه احسن مافيه مصعد خلوهااا رياضه <<


صورت الكورنيش تخقق يابخت اموواجه فيكم...لو انا معكم كان طبيييت...بالعافيه عليكم العشاء بس البيبسي مين صاحبه؟؟ليش مافكه؟؟


صورت الشاطئ تجنن اعشق اللعب على الرمل واحب ارسم حرووف ليش ماخذتوني انمي هوايتي

اهاا جينا للسوق الحين لازم سووق لكن هذا حالنا احنا البنات والا راغبات بالتمييز من اسواق الشرقيه


تعليقي ع الملابس:

طقم ميمو..>>مين ميمو ؟؟

بس شكله رووعه وذووق ويهفهف وحلو على صااحبته


وكمان شوز نونوووو وبلايزهم جونان لبس العافيه انشاء الله...


اخيرا:

مررره يسلمو ع الموضوع الحلو والصور الاحلى نبي صور العائله المرره التانيه

>>>>مثبــــــــــــــت<<تموون الاخت

يسلموووووووووووو يالقلب الحنون على الموضوع والرحله الاروع

..بس ماكنك نسيتي.. كنفاني
يوم الرطوبه
ياكانت كنافه رووووووووووووعه ليتهم يفتحون فرع بالرياض

ايوه الله نسيتهاااا حتى رجعنااا البيت وحنا الى الان نااكلهااا

ياهي كنفااني رووعههه ..